Portuqaliyada yaşayan Azərbaycan icması ilə görüş keçirilib

Portuqaliyada yaşayan Azərbaycan icması ilə görüş keçirilib

14 mart, 2025

Portuqaliyada yaşayan Azərbaycan icması ilə görüş keçirilib

Portuqaliyanın Lissabon şəhərində həmin ölkədə yaşayan Azərbaycan icması ilə görüş keçirilib.

Görüş Azərbaycanın Dövlət Himninin səsləndirilməsi, ölkəmizin ərazi bütövlüyü uğrunda canlarından keçən şəhidlərin əziz xatirəsinin ehtiramla yad edilməsi ilə başlayıb.

https://x.com/DiasporaAz/status/1900546177134723491

Portuqaliyada yaşayan soydaşlarımızı salamlayan Diasporla İş üzrə Dövlət Komitəsinin Avropa ölkələri şöbəsinin müdiri Leyla Həmzəyeva və şöbə müdirinin müavini Əli Əliyev komitənin fəaliyyəti haqqında geniş məlumat verib, Portuqaliyada ilk dəfə təşkil olunan bu görüşün əhəmiyyətini vurğulayıb, azərbaycanlıların təşkilatlanması, onların vahid ideya ətrafında birləşməsinin vacibliyinə toxunub.

Görüşdə komitənin fəaliyyəti, xaricdəki Azərbaycan Evləri, Koordinasiya Şuraları, həftəsonu məktəbləri, həyata keçirilən çoxsaylı layihələr barədə videoçarx nümayiş olunub.

https://x.com/DiasporaAz/status/1900546177134723491

Azərbaycanın Müqəddəs Taxt-Tacda və Portuqaliyadakı Səfirliyin müşaviri Mikayıl Ramazanlı Portuqaliyadakı icmamızın fəaliyyətindən bəhs edib, Azərbaycan diasporunun inkişafının iki ölkə arasındakı münasibətlərin qurulmasına müsbət töhfə verdiyini bildirib, ölkəmizin tanıdılması, Azərbaycanın haqq səsinin dünya ictimaiyyətinə çatdırılmasında xaricdə yaşayan soydaşlarımızın rolunu vurğulayıb.

https://x.com/DiasporaAz/status/1900546177134723491

İspaniya Azərbaycanlıları Koordinasiya Şurasının Portuqaliya üzrə koordinatoru Milana Seyidzadə AKŞ-nin fəaliyyəti haqqında məlumat verib, dünyanın müxtəlif ölkələrində yaşayan soydaşlarımızın Azərbaycanla əlaqələrinin daha da möhkəmləndirilməsinin vacibliyinə diqqət çəkib.

Soydaşlarımız Portuqaliyadakı Azərbaycan icmasının ilk dəfə bir yerə toplaşmasında verdiyi dəstəyə görə komitəyə təşəkkür ediblər. Belə görüşün keçirilməsini, müxtəlif istiqamətlərdə fikir mübadiləsinin aparılmasını yüksək qiymətləndirib, bundan sonra da diaspor siyasətinə öz töhfələrini verəcəklərini dilə gətiriblər.

Görüş geniş fikir mübadiləsinin aparılması, perspektivlərin müzakirəsi, təkliflərin səsləndirilməsi və sualların cavablandırılması ilə yekunlaşıb.

Foto qalereya

dostların arasında bunu ilk tövsiyyə edən sən ol

Digər xəbərlər

kaynak:https://diaspor.gov.az/az/news-detail/portuqaliyada-yasayan-azerbaycan-icmasi-ile-gorus-kecirilib-5645