şəhərlərində – Özbekistan Gazetesi

ABŞ-nin 3 şəhərində Ermənistanın mina terrorunu əks etdirən məlumatlandırma aksiyası keçirilib

Abdullah Yiğit — Wed, 04 Oct 2023 08:09:23 +0000

ABŞ-nin 3 şəhərində Ermənistanın mina terrorunu əks etdirən məlumatlandırma aksiyası keçirilib

, 2023

ABŞ-nin 3 şəhərində Ermənistanın mina terrorunu əks etdirən məlumatlandırma aksiyası keçirilib
ABŞ-nin Vaşinqton, Nyu-York, Atlanta şəhərlərində Ermənistan silahlı qüvvələri tərəfindən işğal illərində Azərbaycanın Qarabağ bölgəsində kütləvi şəkildə basdırılan minaların faciəvi nəticələrini əks etdirən məlumat xarakterli aksiya keçirilib.

Yuta-Azərbaycan Dostluq Təşkilatının sədri Əsmər Qarayevanın təşkilatçılığı ilə baş tutan aksiya zamanı müxtəlif şüarları, həştəqləri və məlumatları əks etdirən LED ekranlı yük avtomobilləri ABŞ-ın 3 şəhərinin izdihamlı mərkəzi küçələrində hərəkət edib. Bu şəhərlərin icazə verilən mərkəzi hissələrində avtomobillər dayandırılıb və Ermənistanın mina terroruna diqqət cəlb edilib.

LED ekranlarda “Ermənistan terrorizmi minalarla davam etdirir”, “Ermənistan, dünya aydınlıq və təhlükəsizlik tələb edir. Qarabağın mina xəritələrini paylaş!”, “Qarabağdan dünyaya: minalara YOX deyin!”, “Azərbaycan torpaqlarının işğal edilməsi dövründə Ermənistan tərəfindən 1,5 milyon mina basdırılıb”, “Qarabağı xatırlayaraq – minasız gələcəyə doğru çalışmaq”, “Qarabağda minalarda həyatlarını itirənlərə ehtiram! Təhlükəsizlik uğrunda mübarizəyə qoşulun!”, “Qarabağ qurbanlarını xatırla – minasız torpaqlar uğrunda müdafiəyə qalx!”, “Qarabağ gizlədilmiş minaları deyil, sülhü haqq edir!”, “Qarabağ faciəsini xatırlayaraq, minasız miras üçün çalışırıq”, “Ermənistanın Azərbaycana qarşı qəsdən və hədəfi ayırmadan mina terroru!” kimi qısa məlumatlar və şüarlar nümayiş etdirilib.

İşğal illərində Azərbaycanın 147 988 hektar ərazisinin yüksək səviyyədə, 675 570 hektar ərazisinin isə orta və aşağı səviyyədə çirkləndirildiyi, Ermənistanın Azərbaycana qarşı mina terroru törətməsi nəticəsində 1991-ci ildən bu günə qədər arasında qadın və uşaqlar da olmaqla 3393 mina qurbanının olduğu kimi faktlar nəzərə çatdırılıb.

Məlumatlarda #stoparmeniancrimes, #MapsForKarabakhSafety, #KarabakhSafety kimi həştəqlər yer alıb.

Qeyd edək ki, ötən həftə Azərbaycan diasporu Böyük Britaniyanın London və Mançester şəhərlərində də məlumatlandırma aksiyası keçirib. Britaniya Azərbaycan Cəmiyyətinin təşkilatçılığı ilə baş tutan və 8 saat davam edən aksiya zamanı aksiya zamanı müxtəlif şüarları, həştəqləri və məlumatları əks etdirən LED ekranlı yük avtomobilləri London və Mançester şəhərlərinin izdihamlı mərkəzi küçələrində hərəkət edib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/abs-nin-3-seherinde-ermenistanin-mina-terrorunu-eks-etdiren-melumatlandirma-aksiyasi-kecirilib-3625

Volqoqrad və Stavropol şəhərlərində Heydər Əliyevin 100 illiyi qeyd edilib

Abdullah Yiğit — Sun, 14 May 2023 15:13:54 +0000

Volqoqrad və Stavropol şəhərlərində Heydər Əliyevin 100 illiyi qeyd edilib
, 2023
Volqoqrad və Stavropol şəhərlərində Heydər Əliyevin 100 illiyi qeyd edilib
Rusiyanın Volqoqrad və Stavropol şəhərlərində müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyi münasibətilə tədbirlər keçirilib.

“Rus-Azərbaycan Birliyi” Volqoqrad regional ictimai təşkilatının, Millətlər və Kazaklarla İş üzrə Komitənin və “Dostluq Evi”nin birgə təşkilatçılığı ilə baş tutan tədbirdə yerli ictimaiyyətin, Azərbaycan diasporunun və müxtəlif içmaların nümayəndələri iştirak ediblər. Qonaqlar arasında Azərbaycanın Qaradağ rayon icra hakimiyyəti başçısının birinci müavini Emil Abbasov və Azərbaycanın Rusiyadakı səfirliyinin birinci katibi olub.

Öncə Heydər Əliyevin “Volqoqrad-Bakı” dostluq parkındakı memorialı ziyarət edilib. Memorialın önünə əklil və gül dəstələri düzülüb, Azərbaycanın dahi şəxsiyyətinin əziz xatirəsi bir dəqiqəlik sükutla yad edilib.

Tədbirdə çıxış edən “Rus-Azərbaycan Birliyi” Volqoqrad regional ictimai təşkilatın sədr müavini Bəhram Naxmetov, Millətlər və Kazaklarla İş üzrə Komitənin Eduard Davıdovski və başqaları xalqımızın ümummilli lideri Heydər Əliyevin müasir Azərbaycan dövlətinin gücləndirilməsi, Azərbaycanla Rusiya Federasiyası arasında ikitərəfli münasibətlərin inkişafı istiqamətində göstərdiyi müstəsna xidmətlərdən danışıblar.

Tədbirin bədii hissəsində Volqoqrad Dövlət Texniki Universitetinin tələbəsi, “Dostluq Evi”nin gənclər qanadının fəalı Türkan Fərəcovanın, “İverioni” “Qafqazın ritmləri” rəqs kollektivlərinin ifasında Azərbaycan xalq mahnıları və müxtəlif xalqların rəqsləri təqdim olunub. Azərbaycanın saz və zurna milli musiqi alətlərində ifa olunan mahnılar tədbir iştirakçıları tərəfindən böyük maraqla qarşılanıb.

Stavropol şəhərində keçirilən tədbirdə Stavropol regional azərbaycanlıların milli-mədəni mərkəzinin “Odlar Yurdu” diaspor təşkilatının rəhbəri Fəxrəddin Yarıyev xalqımızın böyük öndəri Heydər Əliyevin həyat və fəaliyyəti haqqında geniş məruzə ilə çıxış edib. Tədbirdə çıxış edən “Odlar Yurdu” diaspor təşkilatının Ağsaqqalar Şurasının sədri İsgəndər Tağıyev, Qadınlar Şurasının sədri Bəsti Mütəllimova, Gənclər Təşkilatının sədri Seymur Babayev və başqaları xalqımızın dahi şəxsiyyəti haqqında ürək sözlərini söyləyiblər.

Sonra Azərbaycan həftəsonu məktəbinin “Odlar Yurdu” rəqs qrupu konsert proqramını təqdim edib. Tədbir xatirə şəklinin çəkilməsi ilə başa çatıb.

Qeyd edək ki, tədbirdə Nevinnomıssk şəhərindəki diaspor fəalları Arif Nağıyev, Müşviq Hüseynov, Qaraçay-Çərkəz Respublıkasındakı Azərbaycan diasporunun sədri İlham Əhmədov, Haqverdi Məmmədov və yerli ictimaiyyətin nümayəndələri iştirak ediblər.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/volqoqrad-ve-stavropol-seherlerinde-heyder-eliyevin-100-illiyi-qeyd-edilib-2943

İsrailin Or-Akiva və Afula şəhərlərində Novruz bayramına həsr olunmuş tədbir keçirilib

Abdullah Yiğit — Sat, 25 Mar 2023 11:07:59 +0000

İsrailin Or-Akiva və Afula şəhərlərində Novruz bayramına həsr olunmuş tədbir keçirilib
, 2023
İsrailin Or-Akiva və Afula şəhərlərində Novruz bayramına həsr olunmuş tədbir keçirilib

İsrailin Or-Akiva şəhərində fəaliyyət göstərən Azərbaycan diasporunun Novruz bayramına həsr olunmuş tədbiri keçirilib.

Bayram tədbiri “Sevgi” Beynəlxalq Mərkəzinin, “Azİz” İsrail-Azərbaycan Beynəlxalq Assosiasiyasının, STMEQİ Fondunun və “Sevgi” instrumental ansamblının birgə təşəbbüsü ilə baş tutub. Tədbirdə “Azİz” İsrail-Azərbaycan Beynəlxalq Assosiasiyasının üzvləri, şəhər meriyasının və yerli ictimaiyyətin nümayəndələri iştirak ediblər.

Tədbirdə çıxış edən “Azİz” İsrail-Azərbaycan Beynəlxalq Assosiasiyasının prezidenti Lev Spivak və “Sevgi” instrumental ansamblının bədii rəhbəri Salman Rabaev soydaşlarımızı və Azərbaycan xalqını bayram münasibətilə təbrik edib, xoş arzularını bildiriblər. Parlaq və tarixi Zəfərimizdən sonra Novruz bayramının Azərbaycanda könül rahatlığı ilə keçirildiyini və vətənimizin bütün guşələrində, o cümlədən işğaldan azad edilmiş doğma Qarabağda da qeyd edildiyini nəzərə çatdırıblar.

Tədbir Azərbaycan bəstəkarlarının mahnılarından və əsərlərindən ibarət bayram konserti ilə davam edib. Hazırda İsraildə yaşayan azərbaycanlı müğənni Yaqub Məmmədovun ifasında məşhur “Xudayar təsnifi” (“Vətən yaxşıdır”) mahnısı qonaqların gur alqışları ilə qarşılanıb.

Tədbir iştirakçıları Novruz şirniyyatlarına qonaq edilib.

İsrailin Afula şəhərində yaşayan Azərbaycan diasporu da Novruz bayramına həsr olunmuş tədbir keçirib. “Azİz” İsrail-Azərbaycan Beynəlxalq Assosiasiyasının nəzdindəki Azərbaycan Mədəniyyət Mərkəzinin təşkilatçılığı ilə baş tutan tədbirdə soydaşlarımız və yerli ictimaiyyətin nümayəndələri iştirak ediblər.

Tədbir iştirakçılarını milli geyimdə salamlayan Azərbaycan Mədəniyyət Mərkəzinin direktoru Yeganə Salman soydaşlarımızı və xalqımızı bayram münasibətilə təbrik edib, xoş arzularını çatdırıb. Qonaqlara baharın müjdəçisi, barış, xeyirxahlıq, mərhəmət rəmzi olan Novruz bayramı və adət-ənənələri barədə ətraflı məlumat verilib, bayramın Azərbaycanda və bütün dünyada geniş şəkildə qeyd olunduğu, İsraildə də ənənə halını aldığı vurğulanıb.

Azərbaycan musiqisinin və şeirlərinin səsləndirildiyi tədbirdə iştirakçılar Novruz şirniyyatlarına qonaq edilib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/israilin-or-akiva-ve-afula-seherlerinde-novruz-bayramina-hesr-olunmus-tedbir-kecirilib-2651