Qardabani – Özbekistan Gazetesi https://ozbekistangazetesi.com Tue, 04 Jun 2024 09:24:10 +0000 tr hourly 1 https://ozbekistangazetesi.com/wp-content/uploads/2025/03/cropped-ozbekistan-1-32x32.webp Qardabani – Özbekistan Gazetesi https://ozbekistangazetesi.com 32 32 Qardabanidə AXC-nin yaranmasının 106-cı ildönümünü qeyd edilib https://ozbekistangazetesi.com/qardabanid%c9%99-axc-nin-yaranmasinin-106-ci-ildonumunu-qeyd-edilib-h57903.html Tue, 04 Jun 2024 09:24:10 +0000 https://1453kralmedya.com/qardabanid%c9%99-axc-nin-yaranmasinin-106-ci-ildonumunu-qeyd-edilib-h57903.html

Qardabanidə AXC-nin yaranmasının 106-cı ildönümünü qeyd edilib

, 2024

Qardabanidə AXC-nin yaranmasının 106-cı ildönümünü qeyd edilib

 

 

 

Qardabani Təhsil və İnteqrasiya Mərkəzində müsəlman Şərqində ilk dünyəvi demokratik dövlət olan Azərbaycan Xalq Cümhuriyyətinin yaranmasının 106-cı ildönümünü qeyd edilib.

Tədbirdə Diasporla İş üzrə dövlət Komitəsinin əməkdaşı, Mərkəzin müəllimləri, tələbələr, məktəblilər və rayon ictimaiyyətinin nümayəndələri iştirak ediblər.

Əvvəlcə Azərbaycanın və Gürcüstanın Dövlət himnləri səsləndirilib.

Mərkəzinin rəhbəri Raul Əliyev çıxışında Azərbaycan və gürcü xalqlarının dostluq münasibətlərindən, əlaqələrimizin inkişafında soydaşlarımızın rolundan bəhs edib.

Mərkəzin İcraçı direktoru Çiçək Hüseynova xalqlarımızın müstəqillik uğrunda mübarizəsindən, qazanılan nailiyyətlərdən danışıb.

DİDK-nın əməkdaşı Sabit Məmmədov AXC-nin Avropanın demokratik dəyərləri ilə Şərq mədəniyyətinin xüsusiyyətlərini üzvi şəkildə birləşdirən yeni dövlət və cəmiyyət nümunəsi olduğunu, cəmi 23 ay fəaliyyət göstərməsinə baxmayaraq, həyata keçirilən tədbirlərin müstəqil dövlətçiliyimizin əsaslarının yaradılması və gələcək inkişaf yolunun müəyyənləşdirilməsi nöqteyi-nəzərindən böyük əhəmiyyət kəsb etdiyini bildirib.

 

 

 

 

 

Tarix müəllimi Əvəzxan İsayev Azərbaycanın müstəqillik illərindəki uğurları barədə ətraflı məlumat verib. Soydaşlarımız Müzəffər Ali Baş Komandan, Prezident İlham Əliyevin rəhbərliyi ilə 44 günlük Vətən müharibəsində qazanılmış tarixi qələbədən qürur hissi duyduqlarını bildirib.

Digər çıxışçılar AXC-nin xalqımızın dövlətçilik və ictimai-siyasi fikir tarixində rolu, XX əsrdə xalqımızın həyatında yeni bir mərhələ, tarixi hadisə olduğunu, Azərbaycan xalqının müstəqil yaşamaq, öz dövlətçilik ənənələrini bərpa etmək qüdrətini sübut etdiyini vurğulayıb.

Sonra mərkəzin yetirmələri vətənpərvərlik mövzusunda şeirlər söyləyiblər.

Tədbirin sonunda Mərkəz tərəfindən “Heydər Əliyev və Gürcüstan” mövzusunda keçirilən esse müsabiqəsinin qalibləri diplom və xatirə hədiyyələri ilə təltif ediliblər.

FOTO QALEREYA

 

 

 

 

 

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/qardabanide-axc-nin-yaranmasinin-106-ci-ildonumunu-qeyd-edilib-4771

 

]]> Qardabanidə Beynəlxalq Yer Kürəsi Günü qeyd edilib https://ozbekistangazetesi.com/qardabanid%c9%99-beyn%c9%99lxalq-yer-kur%c9%99si-gunu-qeyd-edilib-h56709.html Thu, 25 Apr 2024 19:59:07 +0000 https://1453kralmedya.com/qardabanid%c9%99-beyn%c9%99lxalq-yer-kur%c9%99si-gunu-qeyd-edilib-h56709.html

Qardabanidə Beynəlxalq Yer Kürəsi Günü qeyd edilib
2024
Qardabanidə Beynəlxalq Yer Kürəsi Günü qeyd edilib

 

 

Qardabani Təhsil və İnteqrasiya Mərkəzində Beynəlxalq Yer Kürəsi Günü ilə əlaqədar “Yerin tarixi – protoplanetdən mavi planetə” adlı tədbir keçirilib. Məktəb şagirdləri və tələbələr arasında ekoloji maarifləndirməni artırmaq və sağlam ətraf mühit yaratmaq məqsədilə keçirilən tədbirdə ekoloji problemlərə diqqət cəlb edilib.

Tədbirdə çıxış edən Qardabani Təhsil və İnteqrasiya mərkəzinin direktoru Çiçək Hüseynova Beynəlxalq Yer Kürəsi Gününün tarixi haqqında məlumat verib, sağlam mühit yaratmaq üçün cəmiyyətin birgə fəaliyyətinin önəmindən danışıb.

Daha sonra şagird və tələbələr ətraf mühitin mühafizəsi, yerin inkişaf tarixi və mavi planetin müasir çağırışları mövzusunda fikir mübadiləsi aparıblar.

Sağlam ətraf mühitdən bəhs edən qısametrajlı filmi izləyəndən sonra tədbir iştirakçıları təmizlik aksiyasına qoşulub və Mərkəzin həyətində ağaclar əkiblər.

Qeyd edək ki, Beynəlxalq Yer Kürəsi Günün builki mövzusu “Plastiksiz Planet”dir.

 

FOTO QALEREYA

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/qardabanide-beynelxalq-yer-kuresi-gunu-qeyd-edilib-4580

 

 

]]> Qardabanidə “İlham Əliyevin Gürcüstan siyasəti: enerji strategiyası kontekstində” kitabı təqdim edilib https://ozbekistangazetesi.com/qardabanid%c9%99-ilham-%c9%99liyevin-gurcustan-siyas%c9%99ti-enerji-strategiyasi-kontekstind%c9%99-kitabi-t%c9%99qdim-edilib-h52144.html Tue, 05 Dec 2023 16:35:03 +0000 https://1453kralmedya.com/qardabanid%c9%99-ilham-%c9%99liyevin-gurcustan-siyas%c9%99ti-enerji-strategiyasi-kontekstind%c9%99-kitabi-t%c9%99qdim-edilib-h52144.html

 

 

 

 

Qardabanidə “İlham Əliyevin Gürcüstan siyasəti: enerji strategiyası kontekstində” kitabı təqdim edilib

2023

 

 

 

 

Qardabanidə “İlham Əliyevin Gürcüstan siyasəti: enerji strategiyası kontekstində” kitabı təqdim edilib

 

 

 

 

Gürcüstanın Qardabani rayonunda müasir Azərbaycan dövlətinin qurucusu Heydər Əliyevin 100 illik yubileyinə həsr olunmuş “İlham Əliyevin Gürcüstan siyasəti: enerji strategiyası kontekstində” kitabının təqdimat mərasimi keçirilib.

 

 

 

Mərasimdə elm xadimləri, yerli ictimaiyyətin nümayəndələri, ölkəmizin Gürcüstandakı səfirliyinin əməkdaşları və Azərbaycandan gələn qonaqlar iştirak ediblər.

Azərbaycanın və Gürcüstanın Dövlət himnlərinin səsləndirilməsi ilə başlayan tədbirdə ümummilli lider Heydər Əliyevin və ölkəmizin ərazi bütövlüyü uğrunda canlarından keçmiş şəhidlərimizin əziz xatirəsi bir dəqiqəlik sükutla yad olunub.

Tədbiri giriş sözü ilə açan Azərbaycan Respublikası Elm və Təhsil Nazirliyinin akademik Həsən Əliyev adına Coğrafiya İnstitutunun elmi işçisi Kamran Ramazanlı bildirib ki, Azərbaycan və gürcü dillərində kitabı ərsəyə gətirməkdə əsas məqsəd dahi şəxsiyyətin siyasi kursunu uğurla davam etdirən Prezident İlham Əliyevin xarici siyasətini, eləcə də dövlətimizin başçısının enerji siyasətini təhlil etmək və oxuculara bu barədə ətraflı məlumat verməkdir.

 

 

 

Təqdimat mərasimində professor Mahmud Kamaloğlu, tarixçi alim, Gürcüstan parlamentinin sabiq deputatı Ramiz Bəkirov, Coğrafiya İnstitutunun baş direktoru, coğrafiya elmləri doktoru Zakir Eminov və başqaları çıxış edərək, kitab barədə fikirlərini bölüşüblər, ümummilli liderin həyat və fəaliyyəti, Azərbaycan-Gürcüstan münasibətlərinin inkişafındakı xidmətlərindən danışıblar. Çıxış edənlər kitab müəlliflərinin dövlət başçımızın apardığı xarici siyasətə regional və qlobal geosiyasətin hazırkı mənzərəsindən baxmağa çalışdıqlarını, qonşu ölkənin siyasi rəhbərliyinin iki dövlətin əməkdaşlığı ilə bağlı fikirlərinə nəzər saldıqlarını vurğulayıblar.

 

 

 

 

Qeyd edək ki, kitabın müəllifləri Azərbaycan Respublikası Elm və Təhsil Nazirliyinin akademik Həsən Əliyev adına Coğrafiya İnstitutunun böyük elmi işçisi Natəvan Cəfərova və elmi işçisi Kamran Ramazanlıdır.

 

 

 

Tədbir çərçivəsində Heydər Əliyevin həyat və fəaliyyətinə həsr olunmuş fotosərgi nümayiş etdirilib.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/qardabanide-ilham-eliyevin-gurcustan-siyaseti-enerji-strategiyasi-kontekstinde-kitabi-teqdim-edilib-3879

 

 

 

 

]]> Gürcüstandakı azərbaycanlı gənclərin “Regional Gənclər Şəbəkəsi Borjomi – 2023” Yay Düşərgəsi təşkil edilib https://ozbekistangazetesi.com/gurcustandaki-az%c9%99rbaycanli-g%c9%99ncl%c9%99rin-regional-g%c9%99ncl%c9%99r-s%c9%99b%c9%99k%c9%99si-borjomi-2023-yay-dus%c9%99rg%c9%99si-t%c9%99skil-edilib-h49081.html Tue, 29 Aug 2023 10:42:13 +0000 https://1453kralmedya.com/gurcustandaki-az%c9%99rbaycanli-g%c9%99ncl%c9%99rin-regional-g%c9%99ncl%c9%99r-s%c9%99b%c9%99k%c9%99si-borjomi-2023-yay-dus%c9%99rg%c9%99si-t%c9%99skil-edilib-h49081.html

 

 

 

 

Gürcüstandakı azərbaycanlı gənclərin “Regional Gənclər Şəbəkəsi Borjomi – 2023” Yay Düşərgəsi təşkil edilib

2023

 

 

 

 

Gürcüstandakı azərbaycanlı gənclərin “Regional Gənclər Şəbəkəsi Borjomi – 2023” Yay Düşərgəsi təşkil edilib

Gürcüstanın Borjomi şəhərində “Heydər Əliyev İli” çərçivəsində qonşu ölkədə yaşayan azərbaycanlı gənclərin “Regional Gənclər Şəbəkəsi Borjomi – 2023″ Yay Düşərgəsi təşkil edilib.

 

 

 

 

Diasporla İş üzrə Dövlət Komitəsinin dəstəyi ilə avqustun 24-dən start verilən düşərgədə Marneuli, Dmanisi, Bolnisi, Qardabani, Saqareco bölgələrindən və Tbilisi şəhərindən 54 gənc iştirak edib.

 

Borjomiyə yola düşməzdən öncə düşərgə iştirakçıları müasir Azərbaycan dövlətinin qurucusu Heydər Əliyevin Tbilisidə yerləşən heykəlini ziyarət ediblər. Abidənin önünə əklil qoyulub və görkəmli dövlət xadiminin əziz xatirəsi ehtiramla yad edilib.

 

 

 

 

 

Düşərgənin açılış mərasimində gəncləri Diasporla İş üzrə Dövlət Komitəsinin sədri Fuad Muradovun adından salamlayan şöbə müdiri Vüsal Məmmədov bildirib ki, “Heydər Əliyev İli” çərçivəsində Azərbaycanda və müxtəlif ölkələrdə bir çox layihələr həyata keçirilməkdədir. Belə layihələrdən biri də avqustun 12-dən 18-dək ümummilli liderin doğulduğu Naxçıvan şəhərində təşkil edilmiş “Heydər Əliyev – 100” Diaspor Gənclərinin IV Yay Düşərgəsi olub. Gürcüstanda yaşayan azərbaycanlı gənclərin analoji təşəbbüslə Komitəyə müraciətinin nəzərə alındığı və Borjomidə bu layihənin təşkil ediıməsinə qərar verildiyi diqqətə çatdırılıb.

 

 

 

 

Heydər Əliyevin müasir Azərbaycan tarixində rolundan, Prezident, Müzəffər Ali Baş Komandan İlham Əliyevin rəhbərliyi ilə torpaqlarımızın erməni işğalından azad edilməsindən, Komitənin azadlığa qovuşmuş Qarabağın tacı olan mədəniyyət paytaxtımız Şuşada bir sıra irimiqyaslı layihələr həyata keçirməsindən bəhs edilib. Qeyd edilib ki, dövlət başçımızın tapşırığına əsasən, Dünya Azərbaycanlılarının V Qurultanın, Diaspor Gənclərinin III Yay Düşərgəsinin Şuşada keçirilməsi, “Dəmir yumruğun gücü ilə Şuşadayıq” layihəsi çərçivəsində xaricdə yaşayan soydaşlarımızın Şuşaya ardıcıl səfərlər etməsi diaspor tarixinə yazılmış şanlı səhifələrdir. Düşərgə iştirakçılarına milli kimliyimizin, doğma dilimizin, milli-mənəvi dəyərlərimizin qorunub saxlanılması, Azərbaycan həqiqətlərinin və maraqlarının müdafiə olunması kimi məsələlərdə fəal olmaq çağırışı edilib.

 

 

 

 

Sonra Gürcüstan Azərbaycanlılarının İnteqrsiya Mərkəzinin (GAİM) icraçı direktoru Murad Muradov düşərgə iştirakçılarına “Sosial Media” mövzusu ətrafında təlim keçib. Eyni zamanda GAİM-in, “Qafqaz Hüquq və İnteqrasiya Mərkəzi”nin (rəhbəri Rezo Həsənov), “Alyans” Gənclər Mərkəzinin (icraçı direktoru Rəna Hüseynova) və Dmanisi Tədris Mərkəzinin (rəhbəri Kamran Xıdırov) təqdimatları olub.

Düşərgənin ilk günü intellektual və əyləncəli oyunlarla davam edib.

Qeyd edək ki, “Regional Gənclər Şəbəkəsi Borjomi – 2023” Yay Düşərgəsi avqustun 26-da başa çatıb.

FOTO QALEREYA

 

 

 

 

dostların arasında bunu ilk tövsiyyə edən sən ol
DIGƏR XƏBƏRLƏR

kaynakhttps://diaspor.gov.az/az/news-detail/gurcustandaki-azerbaycanli-genclerin-regional-gencler-sebekesi-borjomi-2023-yay-dusergesi-teskil-edilib-3407

 

]]>