İstanbulda yaşayan azərbaycanlılara müraciət olunub

2023

İstanbulda yaşayan azərbaycanlılara müraciət olunub

Müraciətdə deyilir: “ İstanbulda yaşayan Azərbaycan Respublikası vətəndaşlarının nəzərinə!

23 sentyabr-3 oktyabr tarixlərində Azərbaycan Respublikasının İstanbul şəhərindəki Baş Konsulluğunun binasında Türkiyə Respublikasının İstanbul şəhərində qeyri-qanuni yaşayan vətəndaşların aidiyyəti dövlət qurumlarının nümayəndələrindən ibarət İşçi Qrup tərəfindən qəbulu keçiriləcəkdir.

Qəbul zamanı pasport, vətəndaşlıq vəziyyəti aktlarının qeydi ilə bağlı şəhadətnamələrin (doğum haqqında şəhadətnamə, nikah haqqında şəhadətnamə və s.) verilməsi və digər konsulluq əməliyyatlarının həyata keçirilməsi nəzərdə tutulur.

Pasportların rəsmiləşdirilməsi üçün aşağıdakı sənədlər təqdim edilməlidir:

1. Vaxtı bitmiş şəxsiyyət vəsiqəsinin və ya ümumvətəndaş pasportunun əsli və surəti (olduğu təqdirdə)

2. Doğum haqqında şəhadətnamənin surəti (olduğu təqdirdə)

3. Doğum haqqında şəhadətnamə (18 yaşına çatmayan uşaqlar üçün)

4. Türkiyə ərazisində müvəqqəti və ya daimi yaşadığını təsdiq edən sənəd (oturum) (olduğu təqdirdə)

Vətəndaşlıq mənsubiyyətinin müəyyən olunması üçün aşağıdakı sənədlər təqdim edilməlidir:

1. Doğum haqqında şəhadətnamənin surəti

2. Valideynlərin pasport, şəxsiyyət vəsiqəsi və digər şəxsiyyəti təsdiq edən sənədlərinin surəti

QEYD: Sənədləri olmayan şəxslərlə bağlı valideynlik hüquqlarının müəyyənləşdirilməsi məqsədilə yerində DNT analizlərinin həyata keçirilməsi nəzərdə tutulmuşdur.

Nikahın bağlanması üçün aşağıdakı sənədlər təqdim edilməlidir:

1. Etibarlı ümumvətəndaş pasportunun surəti

2. Subaylıq haqqında arayış

3. Nikahın bağlanması haqqında tərəflərin ərizəsi

4. Türkiyə ərazisində müvəqqəti və ya daimi yaşadığını təsdiq edən sənəd (oturum) (olduğu təqdirdə)

5. Tibbi müayinədən keçdiyini təsdiq edən arayış

Doğum haqqında şəhadətnamənin rəsmiləşdirilməsi üçün tələb olunan sənədlər:

1. Doğum faktını təsdiq edən xəstəxanadan arayış (apostil olunmuş) və DNT analizinin nəticəsi

2. Valideynlərin ərizəsi

3. Valideynlərin etibarlı pasportlarının surəti

Fərdi İdentifikasiya Nömrələrinin (FİN) alınması üçün aşağıdakı sənədlər təqdim edilməlidir:

1. Valideynlərin ərizəsi

2. Valideynlərin pasportlarının surəti

3. Doğum haqqında şəhadətnamələrin surəti

Qəbul vaxtları:

Şənbə və bazar günləri: 10.00-18.00

İş günləri: 16.00-19.00

Əlaqə: +90 850 800 0515

+90 506 595 32 40”

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/turkiye-respublikasinin-istanbul-seherinde-yasayan-azerbaycan-respublikasi-vetendaslarinin-nezerine-3436

Türkiyədə yaşayan Azərbaycan vətəndaşlarına növbəti hüquqi yardım xidmətləri göstəriləcək

2023

Türkiyədə yaşayan Azərbaycan vətəndaşlarına növbəti hüquqi yardım xidmətləri göstəriləcək

Azərbaycan Respublikası hökuməti tərəfindən təsdiq edilmiş Tədbirlər Planına uyğun olaraq Türkiyədə yaşayan Azərbaycan Respublikası vətəndaşlarına zəruri konsulluq və digər hüquqi yardımın göstərilməsi məqsədilə müvafiq tədbirlər həyata keçirilir.

Məsələ üzrə aidiyyəti dövlət qurumlarının nümayəndələrindən ibarət İşçi Qrupu yaradılıb və Türkiyə tərəfi ilə razılaşdırmaqla nümayəndə heyəti vətəndaşlarımıza müvafiq yardımın göstərilməsi üçün 2022-ci ilin oktyabr ayından etibarən İstanbul şəhərinə səfərlər edib.

Səfərlər çərçivəsində vətəndaşlarımızla müsahibələr, onlara zəruri konsulluq və hüquqi yardımın göstərilməsi ölkəmizin İstanbul şəhərindəki Baş Konsulluğunda həyata keçirilir. Nəticədə layihə çərçivəsində indiyə qədər ümumilikdə 3827 nəfərin müraciəti cavablandırılıb, onlardan 2093 nəfərin pasport rəsmiləşdirilməsi üzrə, 459 nəfərin vətəndaşlıq mənsubiyyətinin müəyyən edilməsi üzrə sorğuları icraata yönəldililib. 283 konsulluq əməliyyatı (subaylıq arayışı, doğumun qeydə alınması, nikahın qeydə alınması, tərcümənin təsdiqi və atalığın müəyyən edilməsi) həyata keçirilib.

İşçi Qrupunun İstanbul şəhərinə növbəti səfərləri ilə bağlı elan Azərbaycan Respublikasının İstanbul şəhərindəki Baş Konsulluğu və Diasporla İş üzrə Dövlət Komitəsinin rəsmi internet səhifəsində, eləcə də sosial şəbəkə hesablarında dərc olunacaq.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/turkiyede-yasayan-azerbaycan-vetendaslarina-novbeti-huquqi-yardim-xidmetleri-gosterilecek-3288

Azərbaycan Respublikasının İstanbul şəhərindəki Baş Konsulluğu – Özbekistan Gazetesi

İstanbulda yaşayan azərbaycanlılara müraciət olunub

Türkiyədə yaşayan Azərbaycan vətəndaşlarına növbəti hüquqi yardım xidmətləri göstəriləcək